I shoqëruar nga kryetari i BDI-së Ali Ahmeti, ai tha se nuk mund të rrinte pa vizituar disa nga monumentet historike të shqiptarëve të cilët me shekuj jetojnë në këto treva.

"Pash në të vërtet një nismë shumë interesante, shumë të mirë sic është nisma për krijimin e Muzeut historik, një muze që mesa u informova do të tregojë me saktësi cfarë kanë bërë shqiptarët, si kanë luftuar ata për të drejtat e tyre, për liritë e tyre dhe si i kanë arritë këto të drejta.

Sigurisht kjo ka vlera jo vetëm për tu përkujtuar cfarë është bërë në shekullin nga parardhësit tanë, por ka vlera dhe prejudikim e të rinjëve, nxënësve të shkollave të cilët sigurisht do të vijnë të shikojnë, sepse njeriu po nuk diti nga ka ardhë, kush është e ka vështirë të dijë se ku do të shkojë.”, tha ish president i Shqipërisë, Alfred Moisiu.

Kryetari i BDI-së, Ali Ahmeti, tha se gjenerali Mojsiu nuk mundë të largohej prej Shkupit pa vënë kurora te përmendorja e Skenderbeut.

"Desha që gjenerali t'i prek me dorë dhe ti shijojë të arriturat e shqiptarëve të Maqedonisë, të arriturat e Marveshjes së Ohrit, s'do të thotë se punët këtu kanë përfunduar, kemi akoma punë të mëdha për të bërë në drejtim të avancimit të mëtejm të cështjes shqiptare në Maqedoni", shtoi Ahmeti.

Ish presidenti i Shqipërisë Alfred Moisiu, në Shkup qëndroi me rastin e konferencës përkujtimore të 5 vjetorit të vdekjes së kryetarit të Maqedonisë Boris Trajkovski