Më 26-27 shkurt të vitit 2009, ministri i Punës dhe Politikës Sociale, z-ri Xhelal Bajrami, merr pjesë në konferencën “Investimi në kohezionin social – investimi në stabilitet dhe mirëqenie të shoqërisë”. Konferenca mbahet në Moskë, kurse është nën organizimin e Këshillit të Evropës dhe Ministrisë së Shëndetësisë dhe Zhvillimit Social të Rusisë

Konferenca e parë e ministrave për kohezion social do ta ripërtërijë debatin për rëndësinë e kohezionit social për shoqëritë evropiane në kontekst të globalizmit dhe krizës ekonomike. Po ashtu në këtë konferencë do të bëhet fjalë edhe për nivelin e investimit që nevojitet për t’u garantuar stabilitet social, i bazuar në qasje të njëjtë të të gjithëve në të mundësitë dhe të drejtat sociale. Njëherësh, konferenca do të thotë marrje e vendimit politik me qëllim të përforcimit të kohezionit social, si dhe kapaciteti i shoqërisë për t’u arritur, mbajtur dhe ruajtur mirëqenia për të gjithëve.

Në këtë konferencë përpos delegacionit nga Republika e Maqedonisë, që udhëhiqet nga ministri i Punës dhe Politikës Sociale, z-ri Xhelal Bajrami, do të marrin pjesë edhe delegacione të larta nga Shqipëria, Armenia, Austria, Azerbajxhani, Belgjika, Bosnja e Hercegovina, Bullgaria, Qiproja, Hungaria, Irlanda, Danimarka, Kroacia, Çekia, Estonia, Finlanda, Franca, Gjermania, Greqia, Mali i Zi, Malta, Letonia, Italia,  Holanda, Norvegjia, Polonia, Portugalia, Rumania, Federata Ruse, San Marino, Serbia, Sllovakia, Spanja, Suedia, Zvicra, Turqia, Ukraina, Britania e Madhe.  

Përpos delegacioneve shtetërore, në këtë konferencë do të marrin pjesë edhe përfaqësues nga Komiteti i Ministrave, Kuvendit Parlamentar, Kongresi i autoriteteve lokale dhe rajonale në kuadër të Këshillit të Evropës, Organizata Ndërkombëtare e Punës dhe Komisari për të drejtat e njeriut.