Biznesmenët turq kanë paralajmëruar investime në komunën e Cairit, pas takimit që kanë realizuar me kreun e kësaj komune Izet Mexhiti.

Ata janë shprehur të gatshëhm të investojnë kapitalin e tyre në Shkup edhe atë në fushën e hotelierizimit, restaurimin dhe rigjallërimin e Çarshisë së vjetër si qendër biznesi dhe investime të tjera.

Biznesmenët turq e shohin një destinacion të shkëlqyeshëm Maqedoninë. “Mund të them se në ndërtimtari dhe në disa fusha të tjera ka kushte të mira për të investuar. Mund të investohet në fushën kulturore si dhe në gjallërimin e bizneseve të vogla në Çarshinë e Vjetër”, theksoi biznesmeni turk, Nuri Juzgur. Kreu i komunës së Çairit, Izet Mexhiti, theksoi se turqit do të ndikojnë në angazhimin e ekspertëve portugez për të restauruar Çarshinë.

“Sjellja e ekipit portugez që punon në master-plan do të ndihmojë në restaurimin dhe rigjallërimin e Çarshisë të Vjetër i cili do të jetë bazë e shëndoshë për thithjen e fondeve të huaja”, potencoi Mexhiti.

Me qëllim të realizimin të investimeve turke në komunën e Çairit, organet komunale do të bëjnë ndryshime në planit urbanistik.