Dedikuar:

Kryeministrit të Kosovës, z. Hashim Thaçi,

Kryetarit të Kuvendit të Kosovës, z. Jakup Krasniqi,

Presidentit të Kosovës, z. Fatmir Sejdiu

TELEGRAM URIMI

Kosova para një viti u shpall e lirë, sovrane dhe e mosvarme.

Këtë ditë e kemi pritur dhe për këtë ditë kanë punuar, kanë luftuar dhe kanë sakrifikuar shumë e shumë breza.

Lindja e shtetit të ri të Kosovës është kurorëzim i aspiratave shekullore të mbarë popullit shqiptar.

Deklarata e pavarësisë që e shpallët para një viti mishëron asparitat e gjithë kombit.

Sot feston gjithë populli shqiptar, feston Shqipëria, feston Kosova, po ashtu festojmë edhe ne, shqiptarët e Maqedonisë.

Në emrin tim dhe në emrin e gjithë anëtarëve dhe simpatizantëve të Bashkimit Demokratik për Integrim Ju uroj Juve, Qeverisë së Kosovës dhe mbarë popullit të shtetit më të ri në Evropë, gëzuar një vjetorin e pavarësisë!

Uroj që Kosova të ec shpejt dhe fuqishëm drejt ndërtimit të shtetit demokratik, institucioneve funksionale dhe të qëndrueshme, të përparuar dhe të integruar në familjen e madhe te shteteve te Evropës së bashkuar.

Gëzuar!

Me respekt,

Ali Ahmeti,
Kryetar i Bashkimit Demokratik për Integrim